«Livet kan kun forstås baglæns; men det skal leves fremad», sa den danske filosofen Søren Kierkegaard. Det er god trøyst for den som har stansa opp i ein sving i livet og står og tenkjer på kor uendeleg mykje betre alt hadde vore om eg ikkje hadde skifta retning ved første korsveg. For dette kunne ingen vita på førehand. Ingen kunne vita korleis det ville gå før det gjekk som det gjekk.
