Barn sleit meir psykisk i fjor enn året før

Barn og unge tok meir kontakt med psykiske helsetenester i 2020 enn året før. Det syner talet på polikliniske konsultasjonar og døgnopphald innan psykisk helsevern for barn og unge, som ifølge Helsedirektoratet auka i fjor samanlikna med året før. Det var òg fleire barn og unge som kontakta fastlegen for psykiske problem i siste halvdel av 2020 enn i same periode i 2019. Direktoratet nemner ingen samanheng mellom koronapandemien og fjorårets utvikling i nyheitsmeldinga som vart lagt ut i går. Også vaksne hadde fleire konsultasjonar. ©NPK