Dette kunne ha vore eit einsamt album. Eit produkt av ein relasjon som raknar og åleinetid i ein storby (Los Angeles) der alle liksom er litt usynlege for kvarandre. Likevel er «Patience», Sondre Lerches nye skive, det mest solfylte og luftige han har gjort. Plata er som ein varm klem i ei tid der vi alle lengtar etter meir intimitet. Paradoksalt nok, all den tid mykje av tekstmaterialet handlar om det motsette. Men så er jo L.A ein stad for kontrastar. Under den solbada overflata er mørkret aldri langt unna.
Lystig vemod: Sommarleg, bittersøt Sondre om seg sjølv og kjærleiken.
Lerches L.A. noir
