BØYGD RYGG: Jordbrukslivet var hardt og vondt. Her potetplukking måla av van Gogh. photo Hugo Maertens
Dei vitskaplege oppdagingane i biologi og nevrologi i dei siste tiåra gjer at menneska forstår seg sjølve på ein annan måte enn før. Synapsar, hypofyse og oksytocin, ord som tidlegare berre var for fagfolk, har gått inn i daglegtalen. Å læra nye ting er ikkje lenger noko åndeleg og immaterielt, men skjer ved at det oppstår nye koplingar i nervesystemet. Tiltaksløyse og dårleg humør kjem av for lite dopamin i hjernen.
