Mannen bak disken veg opp kinesisk te på ei gamaldags vekt med marmorplate. Han har ein heil yrkeskarriere bak seg som ingeniør i eit datafirma, så det er ikkje det at han ikkje meistrar moderne teknologi. Men spør du han om kvifor han held seg med slik ei utdatert vekt, har han litt av kvart å seia om avspora samfunnsutvikling og bortkasta tid. Til dømes når nettbanken stadig endrar på oppsettet: Det har ingen nytteverdi. Det er berre programmeraren som sit og leikar seg. Eg har programmert sjølv, så eg veit kor kjekt det er.
