Det er, for å vri litt på orda til Forkynnaren i gamletestamentet, ei tid for alt, ei tid for å byggje og ei tid for å halde ved like og drive varsamt. Hadde politikarane for tre-fire tiår sidan skjønt den gamle vismannen, hadde 1,5 grader temperaturauke vore gjennomførbart. Men oppvarming var fjernt og neste val nært, og miljøengasjerte lét seg roe med prat og symboltiltak. Industriell karbonlagring på Mongstad var vår månelanding. Dinest kom vindkraftverka, med grøne sertifikat, milliardsubsidiering og på ny klima og miljø i kvar setning. For Solbergs mannskap er elbilar, elferjer, elfly og elcruiseskip det som skal berge oss.
Det er for seint å investere oss til ein kjøligare klode.