Episke element

Kvelertak

Splid

Petroleum Records

Ti år etter debutplata er det duka for fjerde fullengder frå Kvelertak. Alle dei føregåande albuma har dratt heim minst ein Spellemannpris, så fallhøgda er potensielt stor for fyrste plate med ny vokalist. Men SÅ ny er ikkje Ivar Nikolaisen. Han tok over mikrofonen sommaren 2018, og har hatt halvanna år på å kome inn i den bekmørke, energiske og slagkraftige gjengen Kvelertak har vore det siste tiåret. Og vokalistrolla er definitivt ei sfære Nikolaisen er kjend med (og han har også gjesteopptreden på «Blodtørst» frå debutplata «Kvelertak» i bagasjen). Trommestikkene har også skifta hender sidan sist plate. No er det Håvard Takle Ohr som styrer takta – heller ikkje han framand for si rolle.