Hjelmengutvalget leverte 1. januar 2018 rapporten som var tinga av regjeringa i 2016. Bakgrunnen var saka som Esa har reist mot Norge. Esa meiner at fri konkurranse og fri etableringsrett ikkje vert ivareteke når det offentlege tilbyr tenester som kjem i konkurranse med andre private aktørar. Slike tenester kan vera idrettsanlegg, symjehallar, kantiner, SFO, parkeringsanlegg med meir. Tenestene er der for dei offentlege verksemdene sine kjerneområde, men kan også tilbydast folk flest, og då ofte til subsidierte prisar.