«Marta, Marta! Du gjer deg strev og uro med mange ting»

Det er ei forteljing i Bibelen som alltid har interessert meg, og det er Jesus si rangering av søstrene Marta og Maria, og deira bidrag til fellesskapen. Eg veit at dei færraste i dag kan si bibelsoge til fingerspissane, så eg siterer teksten i Lukas 10, 38–42 i sin heilskap: «Medan dei var på veg, kom Jesus til ein landsby, og ei kvinne som heitte Marta, tok imot han i heimen sin. Ho hadde ei syster som heitte Maria, og Maria sette seg ved Herrens føter og lydde på orda hans. Men Marta hadde det så travelt med alt ho skulle stella til. Og ho gjekk bort til dei og sa: «Herre, bryr du deg ikkje om at syster mi lèt meg vera tenar åleine? Sei til henne at ho skal hjelpa meg.» Då svara Herren: «Marta, Marta! Du gjer deg strev og uro med mange ting. Men det er eitt som er nødvendig. Maria har valt den gode delen, og den skal ikkje takast frå henne.»