Den største trugselen mot sanninga er ikkje løgn, skriv Jon Hellesnes.

Sutleprat

Med andre ordJon Hellesnes, forfattar, filosof og professor emeritus ved Universitetet i Tromsø16. feb. 2019

RETT MANN PÅ RETT PLASS: Jens Stoltenberg godsnakkar som ein mild, humanistisk psykiater til dei nervesvake, skriv Jon Hellesnes. FOTO: FRANCISCO SECO/AP, NTB SCANPIX Francisco Seco

Seint på vinteren 2016 gjekk militærøvinga Cold Response for seg i Trøndelag, naturlegvis med eit visst innslag av USA-soldatar. I tråd med det nye konseptet for militær opptrapping nytta USA då høvet til å utvide lageret sitt av krigsmateriell i Norge med nytt og avansert utstyr. Erna Solberg var på plass blant soldatane då ho blei intervjua av NRK. Intervjuet blei sendt i Laurdagsrevyen 5. mars 2016. Ho framstilte alt ved Cold Response, inkludert lagringa av krigsmateriell, som tiltak for normalisering og avspenning. Avspenning? Ein litt spesiell ordbruk, må vi vel kunne seie.