Vinn med ein tiar

I dag er det nominasjonsmøte i Arbeidarpartiet i Bergen. Framleis er det ei viss spenning knytt til kven som skal verte partiets byrådsleiarkandidat: ordførar Marte Mjøs Persen eller byråd Roger Valhammer. Persen er ein røynd og godt kjend politikar i Bergen etter snart tre og eit halvt år som ordførar. Valhammer har vore byråd eit halvt år, men kan ikkje vise til dei same røynslene frå kommunepolitikken, heller ikkje for tyngre verv på fylkes- og riksnivå i partiet, slik Persen kan.