Vi må hjelpe folket i Syria med å finne framtidshåpet igjen

Kva er i ferd med å skje med oss? Sist søndag sende Dagsrevyen enda ein sjokkerande reportasje frå Syria, signert den fantastiske reporteren Kristin Solberg. På skjermen sveipa fjernsynskamera over fullstendig sundbomba kvartal, ja heile byar der det knapt er stein tilbake. Vaksne, og slitne menn med trøysteslause handreiskapar som meisel og slegge, gjekk laus på ruinane, og barn leikte mellom dei samanrasa bygningane, i byar som det vil ta tiår å bygge opp igjen.