SØLEKAKER: Leik og alvor. MÅLERI: LUDVIG KNAUS «MUD PIES», 1873 Walters Art Museum (Baltimore/Maryland/USA)
I eit par vanskelege år i ungdomen var eg ven med ein eldre mann som budde i sin eigen kjellar. For å unngå å bli nedrend av folk han ikkje likte, hadde han sett ut rykte om at han heldt til ein heilt annan stad. Huset låg alltid med mørke ruter, og dersom den kvitmåla hagegrinda blei opna utanom avtale, blei inntrengjaren automatisk fotografert av eit kamera som var løynt i ein fuglekasse oppi eit tre.
