I februar skreiv fylkesordføraren under på fusjonsavtalen med Troms. No kjempar ho imot:
Ap angrar på heile avtalen
RegionreformJens Kihl (tekst), Vadsø og Siv Dolmen (foto)
VAR-ANGER: Ragnhild Vassvik bruker dagane på å kjempe mot ein avtale ho sjølv forhandla fram. Men ho trur framleis det kunne blitt eit lukkeleg ekteskap – på andre vilkår enn dei som finst no.
Torsdag 15. februar 2018, på Gardermoen, skreiv Ragnhild Vassvik, Aps fylkesordførar i Finnmark, under på ein avtale om samanslåing med Troms. Signeringa skjedde under oppsyn av den regjeringsoppnemnde meklaren Knut Storberget.