Kvar si ulukke

Minna Rytisalo

Lempi

Litteratur

Omsett av Turid Farbregd

Pax forlag 2018, 256 sider

At éit menneske kan framstå som vidt forskjellige personar for dei ho har rundt seg, er grundig etablert i norsk samtidslitteratur av Carl Frode Tillers sterke «Innsirkling»-trilogi (2007–2014). Romanen «Lempi» av den finske debutanten Minna Rytisalo er bygd opp rundt den same innsikta og med liknande litterære grep: Tre forteljarar vender seg til Lempi, kvinna som har forsvunne, med kvar si forteljing om kven ho var for dei. Romanen vekte oppsikt då den kom ut i Finland i 2016, og fekk begeistra omtalar og litterære prisar.