PARADOKS: Korleis kan det ha seg at bøndene produserer for mykje mat her i steinrøysa? Er det tid for å lage maten meir ressursvenleg og i mindre mengd?
Sauebonden Erlend Brede Fossen i Gaular kommune i Sogn og Fjordane leverte i fjor haust ein vaksen sau til slakt hos Nortura i Førde. Slaktevekta var 43,7 kilo, og han fekk to kroner og nitten øre for skrotten. Det gav fem øre per kilo, altså ei rein fornærming mot bondens arbeid.