Hjarteleg tillukke med Kvinnedagen! Kva har religion med ein kampdag som denne å gjera? Veldig mykje, vil mange meina, i negativ forstand. Det guddommeleggjorde patriarkatet og kvinner som annanrangs vesen er idear religionane må stillast til ansvar for. Men religionar finst ikkje som sjølvstendige storleikar; religionane sitt uttrykk er det folk bestemmer at det skal vera. Me veit at religiøse kvinner og menn opp gjennom historia har funne styrke og handlekraft til frigjeringskamp nettopp i sine religiøse tradisjonar, samstundes som undertrykkarane har henta legitimitet frå same religiøse univers.
Kvinnefrigjering med og utan gullaldertenking.