Fusjon

Jan Freuchen og Sigurd Tenningen

Appelsiniakomplekset

Litteratur

H//O//F 2017, 82 sider

For dei av oss som knapt nok forstår korleis det er mogleg å forfatte ei handleliste i fellesskap, er «Appelsiniakomplekset» ei imponerande bragd allereie før første side er lest. Biletkunstnar Freuchen og forfattar Tenningen har tidlegare vore saman om utstillings- og publikasjonsserien «Game of Life» på Kristiansand Kunsthall, men dette er fyrste skjønnlitterære frukt av samarbeidet. Tre noveller seinare, alle co-signert Jan Freuchen og Sigurd Tenningen, er inntrykket framleis positivt, og ein kan ta seg sjølv i å faktisk ynskje seg fleire fusjonar av kunstnar- og forfattarskap i det norske litterære landskapet.