Å gjera seg mindre

USAs president Barack Obama vart ei stund ofte sitert på at «Norway is punching above your weight». Særleg i Utanriksdepartementet var det mange som tok rosen til seg: Eit lite land kunne altså gjera ein forskjell i verda. Karakteristikken kan også ha hatt noko for seg i delar av utanriks- og utviklingspolitikken, der Noreg ved hjelp av god kompetanse og relativt store ressursar har spelt ei viktig rolle på fleire område. No viste det seg etter kvart at Obama hadde vore tilsvarande raus i omtalen av nær sagt alle små land, så sjølve sitatet kan ha gått av moten sjølv i politikar- og diplomatkrinsar.