Å leve det er å knipse

For eit par veker sidan besøkte eg Geiranger saman med gamle venninner. Vi mimra om ein skuletur til den storslåtte fjorden det året vi gjekk i sjuande klasse. Utstyrte med eingongskamera til femti kroner frå Fotoknudsen knipsa vi bilete av absolutt alt på turen. Eg tok ei drøss med identiske og elendige fotografi av dei stupbratte fjellsidene og dei lange fossane som gjekk rett i fjorden.