Jan Tore Sanner er framleis blid som ein bruktbilseljar når han snakkar om kommunereforma. Kommunalministeren har krasja med folket, og reforma har vorte meir bulkete for kvar folkeavstemming som har vorte halden. Nei- sida har vunne 145 av 202 folkerøystingar, og Kommunal Rapport har anslått at det ligg an til at talet på kommunar berre vil gå ned frå 428 til 385. I høve til marknadsføringa frå regjeringa ser kommunereforma no ut som eit totalvrak.
Utan tvang blir kommunereforma ein fiasko for regjeringa.