Olav Sem (1941–2016): Folkekunstnar for si tid

20. mars i år gjekk folkekunstnaren Olav Sem bort. Han vart fødd i 1941 i Heddal i Telemark, ei bygd med sterke folketradisjonar. Når Olav var på dansegolvet, kunne ein sjå musikken som vart spelt. Han var feleslåtten, og feleslåtten var han. Det var aldri noko analyse, han var ein lyar som verkeleg lot felespelet innta kjenslene, i intens begeistring eller med tårer som fløymde.