- 12. til 21. februar 2016 går dei andre vinterolympiske ungdomsleikar av stabelen på Lillehammer. 1100 utøvarar frå 70 nasjonar skal møtast til venleg kappestrid på Innlandet. Ungdoms-OL er litt av ei prestisjesatsing for regionen og landet og skal arrangerast i dei same byane som OL i 1994, i tillegg til eit par øvingar i Oslo. Men no har arrangementet gått på ein alvorleg smell: Med 176 dagar til opninga manglar Ungdoms-OL tusen av dei tre tusen frivillige som trengst for å gjennomføre arrangementet. Arrangørane sjølve kallar det «krise», ifølgje Gudbrandsdølen Dagningen, som fyrst skreiv om saka. Organisasjonen tek sjølvkritikk for strategien med å hovudsakleg rette seg mot unge frivillige. Her har ein nådd bra fram, men dette kan ha gjort at vaksne dugnadsentusiastar har kjent seg framandgjorde av arrangementet. I tillegg har berre 233 meldt seg frå Hedmark, mot 1277 frå Oppland. Faktisk har andre arrangement i regionen, som Birken, lukkast i å rekruttere langt fleire frivillige.
Du må være abonnent for å lese denne artikkelen
Allerede abonnent? Logg inn
