- Så er det omsider klart for ski-VM, etter nedtelling i sportspressa som om dommedag nærmar seg. Men våre heiarop går i dag til ein mann som ikkje er født med ski på beina, den greske finansministeren Yanis Varoufakis, med den tyngste jobben i europeisk politikk. Venstresida har vel ikkje hatt ein større motorsykkelhelt sidan Che Guevara køyrde Sør-Amerika rundt på to hjul tidleg på femtitalet. Også den uvørne sjarmøren Varoufakis har ei framtoning som kan gjera seg på t-skjorta, om han og Syriza skulle komme nokon veg med sine motpartar i Berlin, Brussel og Frankfurt.