Der rauk Nobelprisen

I går uttrykte Kjartan Fløgstad stor frustrasjon her i avisa over at Francis Sejersted i boka «Sosialdemokratiets tidsalder» har sett han i same båsen som sentrale ml-forfattarar.«I Norge sto ml-bevegelsen påfallende sterkt blant de unge skjønnlitterære forfattere (Dag Solstad, Kjartan Fløgstad, Edvard Hoem, Tor Obrestad og andre)», står det å lese på side 478 i den siste boka til Sejersted. «Sosialdemokratiets tidsalder» omhandlar det svensk-norske tilhøvet frå 1905 og fram til i dag. Boka er delt ut i 2000 kopiar til skular rundt omkring i landet. Seinare vil kong Harald få utdelt ei praktutgåve, og boka er delvis finansiert av Utdanningsdepartementet.