Nils Petter Molvær

Be Quiet

Edition Records

Det er få som uttrykkjer stilla så sterkt som Nils Petter Molvær gjer med trompeten. Vi kan gjerne plassere sulalendingen som ein av dei viktigaste norske jazzmusikarane dei siste førti åra: frå bandet Masqualero på åttitalet til «Khmer» som kom i 1998 og blei eit nøkkelverk i bølgja av elektronika- og klubbjazz kring tusenårsskiftet. Sidan den gong har Molvær finslipt uttrykket sitt gjennom utgjevingar med forskjellige konstellasjonar.