Det er ingen dristig spådom å hevde at økonomisk fordeling vil bli eit dominerande politisk stridstema åra som kjem. Både i Norge og internasjonalt blir inntekter og formuar, dermed også politisk makt, konsentrert på stadig færre personar og dynasti. Men dette ser ikkje ut til å gjere inntrykk på Skattekommisjonen (NOU 2026:9) og var heller ikkje tematisert i deira mandat. Derimot har kommisjonen funne ut at redusert skatt på personars formuar vil bidra til eit meir «konkurransedyktig skattenivå for norsk næringsliv». Dei vil også «gi lettelser til personene med de høyeste formuene». Den sentrale, men udokumenterte grunngivinga for dette forslaget er at «mange» aksjeeigarar manglar «likviditet» til å betale formuesskatten og må derfor tappe pengar frå bedrifta/selskapet.