På eit vis er det pussig at ei rørsle som så til dei grader hevdar å vere opptatt av å hegne om det historisk særeigne og nasjonale er så einsretta at dei deler talarar, slagord og vender seg til det same, globale publikummet. Men dei siste åra, særleg etter Elon Musk kjøpte Twitter og gjorde det om til x, har aktivistar på ytste høgre kant brukt x som plattform for å radikalisere seg sjølv og andre gjennom memes, slagord og videoar som hamrar inn same grunnforteljing om at den vestlege verda er truga av kollaps som følgje av høg innvandring, endra kjønnsrollemønster og auka toleranse for flytande kjønnsidentitet.