Psykoanalysens far, Sigmund Freud, opererte med eit skilje mellom angst og frykt. Angst er ei sterk kjensle med diffus årsak. Den kjem av noko ein ikkje heilt kan setje fingeren på. Frykt derimot er knytt til noko konkret. Å søke kunnskap kan vere ein måte å gå frå angst til frykt på. Og då kan ein, ideelt sett, også finne ein måte å handtere det som er vanskeleg på. Etter å ha lese den franske idéhistorikaren Araud Mirandas bok «Mørk opplysning», der han nærles Maga-rørslas ideologar, sit eg att med både angst, frykt og ein viss porsjon undring.