Fire tilsette ved USN skriv i Klassekampen 12. januar om potensielle trugsmål frå «kunstig superintelligens». I kronikken sin viser dei til forsking frå KI-selskapet Anthropic, der ein såkalla KI-agent i eit eksperiment forsøkte seg på utpressing då den oppdaga at den stod i fare for å bli skrudd av. Forskinga til Anthropic er urovekkjande og bør få oss til å stoppe opp og tenkje oss om, men ikkje fordi ho viser vegen til «kunstig superintelligens». Fyrst og fremst bør vi vere uroa for eigenskapar som ligg innbygd i dei språkmodellane og KI-agentane vi alt har teke i bruk.