Toget rulla inn på Bryne stasjon. Heilt på tida, men berre halvparten så langt som vanleg: Ei sovevogn, kafévogna og ei vogn med sitteplassar. Eg starta straks å spekulera i årsakene. Var dei andre vognene til vedlikehald? Eller var det så få selde billettar at Go-Ahead ikkje fann det bryet verdt å trekka alle vognene til Oslo? Eller kunne det henda at lokomotivet ikkje hadde trekkraft nok til heile togsettet?