Scenografien fortel oss at vi skal til sjøs. Vi er tilskodarar til ei historie som er tufta på faktiske hendingar frå krigsdagane. I 1941 sigla skipet «Capitaine Paul-Lemerle» frå Marseilles til Martinique med kring 350 menneske på flukt frå det tyskvenlege Vichy-regimet. Blant desse finn vi kunstnarar og tenkjarar som André Breton, antropologen Claude Lévi-Strauss, målaren Wilfredo Lam og forfattarane Anna Seghers og Victor Serge.