Det norske folkeeventyret «Kvitebjørn kong Valemon» er populært for tida. I haust blei Theodor Kittelsens måleri Kvitebjørn kong Valemon seld på auksjon for 36 millionar, og før jul kom animasjonsfilmen Kvitebjørn – Østenfor sol og vestenfor måne. I filmen er bjørnen ein isbjørn, noko som har skapt debatt. Kvitebjørn er det norske ordet for det norrøne hvítabjørn, isbjørn, men kvitfargen kan òg vise til kjernen i eventyret, at det handlar om ein brunbjørn som er blitt kvit fordi han er ein forheksa mann i bjørneskapnad.