Kongedrama er kontroversielt, sist demonstrert av kritikken mot «Atlantic Crossing» (2020) for manglande respekt av historiske personar og fakta. I kva grad tidlegare debattar har påverka Vibeke Idsø og hennar kjærleiksdrama «Harald & Sonja», er uvisst, men historikarar kan legga bort notisboka før dei set seg i tv-stolen. «The Crown» er ein tydeleg referanse i eitt og alt her, men både einskildepisodar og vignett nyttar autentiske foto, som signaliserer ei anna forplikting til røynda.