28. januar har Klassekampen ei notis på side 12 der det står at Ukrainas etterretningssjef, Kyrylo Budanov, «Vil ha forhandlinger før sommeren» fordi han «frykter for Ukrainas eksistens». Dette blir presentert utan noko form for dokumentasjon. Det blir vist til anonyme kjelder. Klassekampen bør vite at Russlands krig mot Ukraina ikkje berre er bomber, det er også massiv nyheitsmanipulering og desinformasjon. Russiske propaganda-nettstader og pro-Kreml Telegram-kanalar sprer alle slags falske nyheitshistorier om Ukraina. Viss Klassekampen i dag går inn på Kyiv Independent eller Kyiv Post, så kan dei sjå at der står det FAKE med store bokstavar om denne saka. Ukrainas militære etterretning har offisielt benekta denne informasjonen. Det bør også Klassekampen gjere. I solidaritet med Ukraina, må vi ta avstand frå russisk løgnpropaganda som berre splittar og skadar Ukrainas motstandskamp.