Ragnar Aalbu

Pfff!

Aldersgruppe: 3–6 år

Gyldendal 2024, 48 sider

Førre veke kunne ikkje forholda ha vore betre lagt til rette for å lese den nye boka til Ragnar Aalbu, «Pfff!», om ein liten elefant som jobbar som lauvblåsar: Det var planleggingsdag i barnehagen, og på austlandet bles den vennlege tremenningen til Jakob, ekstremvêret som herja på vestlandet, med lett medrivande, men skånsame kast. Bakken var full av nyfalne blad, og eg tok med dei to små lesarane mine ut for å boltre oss i haustens siste nedfall. Etter ei stund blei den minste trøytt, og medan ho sov i vogna, kunne eg og den litt eldre lesaren – midt i målgruppa for Aalbus bok – tumle inn på ein kafé og lese litt.