Kva skjer med eit lite lokalsamfunn når skolen blir nedlagt? Dette spørsmålet har vorte sett på dagsorden denne hausten. Som NRK har dokumentert, er så mange som 78 barne- og ungdomsskolar i Noreg vurdert nedlagt i budsjettarbeidet i kommunane. I fleire fylke er dei vidaregåande skolane under press, mest dramatisk i Innlandet, der to skolar og fire skolestader er vedtatt nedlagt. Årsakene synest å vera stram økonomi og sviktande elevtal. Det skjer trass i at Støre-regjeringa har øyremerka 500.000 kroner i ekstra overføring for kvar grunnskole, noko som kommunane mister når dei legg ned ein skole.