Guro Kulset Merakerås og Mariam Rasouli
Jeg er Mariam. En fortelling om frihet
Sakprosa
Kagge forlag 2024, 255 sider
Marte Spurkland og Daniella
1178 netter. Historien om et tvangsekteskap
Sakprosa
Gyldendal 2024, 214 sider
Det finst kvinner som lever i ei røynd der valdtekt ikkje berre er rutine, men ein direkte konsekvens av at vald og tvang er sett i system som «kultur». Sjølv om slaveri reint juridisk ikkje skal finnast i vår tid, illustrerer to aktuelle, norske sakprosautgjevingar at slaveri er ein faktisk realitet – til og med for kvinner som har vakse opp og bur i Noreg. Eller kva skal ein kalle det når ein ung mann kan seie «eg eig deg» til ei 13 år ung kone og vite at han har både foreldre og svigerforeldre på si side?
