Mistilpassa mattegeni spelar hovudrolla i ein heil undersjanger av filmdrama. I kategorien «unike menneske» er mattegeniet i seg sjølv ofte mistilpassa på lerretet enkelt sagt fordi abstrakt matematikk vanskeleg lèt seg forenkla og konkretisera. Det resulterer i at matematikken blir redusert til ein påstand om ein viktig eigenskap ved ei forteljing som eigentleg handlar om å takla sosiale hinder og psykisk vanhelse. Ron Howards «Et vakkert sinn» (2001) er eit klassisk Hollywood-døme.