Neseblod, den famøse metall-platesjappa i Gamlebyen i Oslo, begynte å brenna tysdag kveld. Neseblod ligg delvis i dei gamle lokala til Helvete, platebutikken som Øystein «Euronymous» Aarseth frå Mayhem starta i 1991. I skrivande stund er det uklart kva som har skjedd, og kva og eventuelt kor mykje som har gått tapt. Slurva nokon med sneipen? Eller, for å gå inn i konspiland: Var det nokon hemntørste sjeler som ville at svartmetallmiljøet skulle smaka sin eigen medisin etter nittitalets kyrkjebrenning?