I påska kan nordmenn sjå tv-dramaet om postskandalen (omtalt i Dagsrevyen) som har engasjert britane sidan nyttår. «Mr. Bates vs. The Post Office» er eit opprørande stykke samtidshistorie om dei menneskelege konsekvensane av Storbritannias største justismord. Kjernen i saka – korleis ei statsbedrift ofra liva og levebrødet til sine kommisjonærar for å verna omdømmet til Posten, pluss å dekka over dyrt og dårleg leiarskap og ei ditto IT-investering – har dessutan relevans for marknadsstyringa av offentlege tenester i Noreg.