Då «Eallogierdu – Tundraens voktere» nyleg hadde noregspremiere på Tromsø internasjonale filmfestival, vart reklamane frå festivalsponsorane rutinemessig viste før filmen. Blant desse var Troms Kraft sin appell til fornuftige løysingar på energibehova i framtida i ein film med dronebilde av vindturbinar i villmarka. Det var den einaste sponsormeldinga på samisk, og ho kjendest som ei målretta politisk melding meir enn eit uttrykk for at det offentlege selskapet tar sitt språkpolitiske ansvar på alvor.