Folkevalde bør slutta å gå i fakkeltog for lokalsjukehusa. Det var den relativt friske meldinga frå ein «helseleiar» på radioen ein morgon for nokre veker sidan. Bakgrunnen var at mellom andre SVs nestleiar og helsepolitiske talsperson Marian Hussein har deltatt på markeringar til støtte for helsetilbodet rundt om i landet. Problemet, meinte den tidlegare direktøren i eit helseføretak, er at det skaper forventningar som ikkje lar seg innfri. Han rår stortingsrepresentantar frå å driva med «detaljstyring», og heller la byråkratane styra.