Du kan bla til neste sideBla med piltastene

Ho kan berre stoppa på tunet og sjå seg ikring, så vil novelle etter novelle dukka opp i minnet hennar. Inger Bråtveit om Hans Herbjørnsrud.

Verds­litteratur frå ei anna verd

LitteraturInger Bråtveit (Forfattar)
STADBUNDEN: Hans Herbjørnsrud på heimgarden i Heddal, der han skapte den litterære verda si. Foto: Hanne Marie Lenth Solbø

Hans Herbjørnsrud (1938–2023) var lærar og bonde før han vart forfattar på fulltid på slektsgarden i sitt særeigne språklege univers. Novellene liknar livs- og ættesoger og spelar seg ut innfor det som på kommunekartet minner om slektsgarden ikkje mange hundre meterane frå Heddal stavkyrkje. Kom på besøk, sa Hans Herbjørnsrud meir enn ein gong. Det vart aldri til det, sjølv om eg ofte har hatt vegen forbi. No vart det for seint.