Du kan bla til neste sideBla med piltastene

Ei over 400 år gamal dissekering av hemna som rettsprinsipp, og diverre framleis like aktuell.

Hemnas anatomi

MeldingAmund Grimstad
MYTOLOGISK: Lavinia (Julie Sofie Reite), dotter av Titus (Rune Storsæther Løding) er ein symboltung figur, og den einaste i framsyninga som berre er eit offer. Til gjengjeld må ho ofre det meste. FOTO: MARIUS FISKUM

Titus Andronicus

Nordland Teater

Av: William Shakespeare

Omsett av Ragnar Olsen

Regi: Birgitte Strid og Terje Skonseng Naudeer  

Scenografi og kostyme: Nora Furuholmen

Med:  Rune Storsæther Løding, Inga Ibsdotter Lilleaas, Julie Sofie Reite, Sondre Krogtoft Larsen, Stein Elvestad, Piotr Misztela, Sindre Bergfall mfl.

Av William Shakespeares rikhaldige produksjon er det faktisk framleis drama som ikkje er sette opp på ei norsk scene. Så om det ikkje var ein sensasjon, var det likevel ein teaterhistorisk milepåle då Nordland Teater laurdag hadde norgespremiere på Shakespeares «Titus Andronicus», truleg skriven i tida mellom 1588 og 1593.