Bergen har planar om å ta inn 1,2 milliardar neste år i eigedomsskatt og Oslo 2,5, fram til nye kostar kjem inn i bystyresalane og justerer budsjetta. Begge stadar har avtroppande arbeidarpartibyråd lagt fram sine framlegg til budsjett. Der aukar dei begge eigedomsskatten, som er éin av få høve kommunane sjølve har til å påverke inntektene sine, og dei aller fleste nyttar seg av det høvet. 248 kommunar har eigedomsskatt på bustadar og fritidsbustadar, medan 307 kommunar har skatt på næringseigedomar. I fjor tok til saman 322 kommunar inn 16,1 milliardar kroner i eigedomsskatt, ifølgje tal frå Statistisk sentralbyrå.