Frédérique eller Freddie (Park Ji-min) er ei impulsiv kvinne, som lever livet framlengs i rastlaus søking etter stadig nye opplevingar. Når ein tyfon hindrar den franske 25-åringen i å fly til favorittferiebyen Tokyo, bookar ho berre om til Seoul. Det er i alle fall slik ho framstiller dei endra reiseplanane i ein videosamtale med den overrumpla adoptivmora i Frankrike. Innan ho tar den telefonen, har vi følgt Freddie i ein knapp, men hendingsrik, filmtime og for lengst byrja å ana at det er andre, halvt umedvitne årsaker til at Freddie valde å dra til nettopp den koreanske hovudstaden.