Dersom du ikkje vil at barnebarna dine skal kunne bruke narkotika straffefritt, bør du sjekke kva dei politiske partia meiner om avkriminalisering/legalisering før du går til valurna. No fortel dessutan avisene om rekordstore beslag av kokain, om sterke syntetiske opioider på marknaden, om elevar på vidaregåande som brukar meir kokain enn før, om psykotiske personar som gjer skadar dei elles aldri ville ha gjort, om drap og oppgjer mellom kriminelle, om krise i barnevernet, og så bortetter. Skal vi berre stikke hovudet i sanden og tru at politiet klarer å kontrollere denne marknaden dersom det skulle bli straffefritt å bruke narkotiske stoff? Dessverre går både Høgre, Venstre, MDG, SV og Raudt inn for avkriminalisering, medan Arbeidarpartiet, Senterpartiet og Kristeleg folkeparti vil behalde straff for bruk og besittelse. Frp er også imot avkriminalisering, men ungdomspartiet deira, FpU er usamde, så dette vil nok kome til å prege moderpartiet etter kvart.
