Frå Andenes til Grylle­fjord går det ei ferje tre gonger om dagen. No på sommaren er strekninga så populær blant tyske og finske bubilturistar at ein ikkje kan rekne med å få på plass. Då har ein valet mellom å vente åtte og ein halv time på neste ferje eller bruke åtte timar på å køyre rundt via Narvik. Fordelen med det siste er at det vil gje deg eit glimt av forståing av dei store avstandane i landet vårt.