På laurdag skulle ein turist på bussen til Preikestolen utanfor Stavanger. Han kasta seg på første og beste buss som køyrde i den retninga, som viste seg å vere ein av to supporterbussar frå Stavanger til Sandefjord for å gå på Viking-kamp. Turisten valde å gå av bussen då han forstod kva for buss det var – då hadde diverre bussen køyrt forbi krysset opp til Preikestolen – sjølv om han fekk tilbod om å vere med både fram og tilbake, inkludert kampbillett. «Eg trur ikkje han heilt forstod kva vi meinte», sa ein leiande vikingsupporter til Stavanger Aftenblad i helga. Han trur turisten var frå Sør-Amerika.
